slavistik-portal
Портал славістики
The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.
| ID | 885536304 |
| Title | [Evangelie učitelʹnoe] ... sija bogodochnovennaja kniga učitelnoe evangelie ... |
| Jahr | Moskva - [Moskovskij Pečatnyj Dvor] - 1629 - 6, 595 Bl 4° |
| Note | Date 7137 [1629]; +/- Autopsie nach Exemplar der SBB Vorlageform des Erscheinungsvermerks: "... v carstvujuščem gradě moskvě ... v lěto 7137 go ..." Zernova, Knigi kirillovskoj pečati, Nr. 73 In kyrill. Schr., kirchenslaw. |
| Subjects | Evangelie učitelʹnoe |
| Cat-URL | https://stabikat.de/DB=1/XMLPRS=N/PPN?PPN=885536304 |
| URL | http://resolver.staatsbibliothek-berlin.de/SBB0001FCC600000000 |
| PURL | Citation link |
| Page-Nr | Page-Content [6] |
| 21 | ПОꙊ҆ЧЕ́НЇЕ И҆́ЖЕ ВОСт҃ыⷯ Ѡц҃А Нш҃ГО і҆о҃а́нна златоѹ҆́стаго патриа҆́рха константи́на гра́да. при́тча. о҆мытарѝ и҆фарисе́и. и҆́з̾брано ѿст҃а́го є҆ѵⷢ҇а́лїѧ. и҆ ѿ мнѡ́гихъ бжⷭ҇твеныⷯ писа́нїи . о҆тщесла́вїи, и҆ горды́ни, и҆ велича́нїи, і҆о҆ѡ҆сꙋжде́нїи. сло́во, а҃. блгⷭ҇вѝ ѿч҃е. Є҆́же о҆мытарѝ и҆фарисе́и при́тча и҆вина̀, ꙗ҆́ко поѹ҆че́нїе нѣ́кое и҆ подвиже́нїе, ѹ҆мы́шлено бы́сть ст҃ы́ми ѿц҃ы, і҆ѹ҆чинено̀ пѣ́тисѧ и҆ прочита́тисѧ в̾сїю̀ недѣ́лю. ꙗ҆́ко да направлѧ́емсѧ и҆готѡ́вимсѧ, надх҃о́вныѧ пѡ́двиги поста̀. Сего̀ ра́ди и҆провоз̾гла́снаѧ нлⷣѧ сїѧ̀ нарица́етсѧ, погре́ческомꙋ ꙗ҆зы́кꙋ. провоⷥвѣща́ющи и҆ проповѣ́дающи, | [JPG] |
| 22 | є҆ѵⷢ҇а́лїе є҆́же посе́мъ ма́ло приходѧ́щее покаѧ́нїе по́стное вре́мѧ. ꙗ҆́коже а҆́ще нѣ́кꙋю стра́сть въдш҃а́хъ на́шихъ и҆спе́рва и҆мꙋ́ще, о҆чи́стиⷨ сїю̀. и҆ та́ко готѡ́ви бы́вше, къспаси́тельныⷨ подвигѡ́мъ поста̀ и҆ воз̾держа́нїѧ пѡ́йдеⷨ. къпꙋтѝбо сп҃се́нїѧ, пе́рвое є҆́сть раскаѧ́нїе, и҆ воз̾враще́нїе и҆смире́нїе. къдобродѣ́телиже поврежде́нїе ве́лїе быва́етъ, горды́нѧ, и҆ тщесла́вїе, и҆ превоз̾ноше́нїе. Сего̀ ра́ди и҆г҃ь на́шъ іс҃ х҃с бж҃їѧ мꙋ́дрость и҆си́ла. и҆́же срⷣца̀ всѣ́хъ и҆спыта́ѧи і҆и҆стѧза́ѧ, и҆ поле́знаѧ и҆спасе́наѧ ѹ҆строѧ́ѧ дш҃а́мъ на́шимъ. сїю̀ при́тчꙋ, ꙗ҆́же о҆фарисе́и и҆мытарѝ, на́мъ преⷣлага́етъ премꙋ́дро и҆ поле́зно. о҆блича́ѧ чл҃ки ѹ҆пова́ющихъ на́сѧ, ꙗ҆́ко пра́ведни сꙋ́ть, і҆ѹ҆ничижа́ютъ согрѣша́ющиⷯ. запреща́етъбо се́ю вино́ю высокоѹ҆́мныхъ превоз̾ноше́нїе. і҆ѹ҆чи́тъ кои́мъ о҆́бразомъ подоба́етъ твори́ти, къбг҃ꙋ моле́нїѧ и҆моли́твы. да нека́ко ѿни́хъже мни́мсѧ по́лзꙋ и҆мѣ́ти, си́ми па́че раз̾дража́емъ бг҃а на́сѧ. и҆ прогнѣ́ваемъ незло́биваго, | [JPG] |
| 23 | о҆мытарѝ и҆ фарисе́и и҆ долготерпѣли́ваго г҃а, пода́телѧ всѣ́мъ бл҃ги́мъ. и҆ѿсеѧ̀ вины̀ мл҃твенаѧ добро́та, и҆ похва́льное и҆спасе́ное дѣ́ло, без̾поле́зно и҆без̾ме́ꙁдно о҆брѧ́щетсѧ на́мъ. па́че бо высокоѹ҆́мїѧ и҆горды́нѧ, ничто̀же дрꙋго́е вре́днѣиши нѣ́сть. нижѐ превоз̾ноше́нїѧ и҆тщесла́вїѧ лютѣ́иши е҆́сть. и҆́бо ѿа҆́гг҃лъ пе́рваго горды́нѧ сънб҃сѐ ниⷥве́рже, и҆в̾мѣ́сто деньни́ца дїѧ́вола зва́ти е҆го̀ сотворѝ. и҆ пра́дѣда на́шего а҆да́ма, горды́нѧ и҆сластолю́бїе и҆з̾раѧ̀ пе́рвыѧ сла́вы и҆з̾ри́нꙋ. горды́нѧ всѣ́мъ злы́мъ є҆́сть вина̀, и҆ всѧ́комꙋ поспѣше́нїю дх҃о́вномꙋ ѿсѣче́нїе быва́етъ. вездѣ̀бо є҆́же мнѣ́тисѧ бы́ти что̀, поврежа́етъ, и҆ѹ҆до́бь себѐ прельща́етъ. и҆́же ничто̀же нѣ́сть, и҆ мни́тсѧ ꙗ҆́ко нѣ́что є҆́сть. сего̀ ра́ди и҆ мно́гїѧ чл҃ки погꙋбѝ мнѣ́нїе. и҆́бо си́мъ недꙋ́гоⷨ болѧ́ще чл҃цы о҆ставлѧ́еми ѿбг҃а быва́юⷮ, и҆по́мощи е҆го̀ лиша́ютсѧ, и҆въбез̾че́стныѧ стра́сти в̾па́даютъ. всѧ́кое бл҃го́е бога́тьство добродѣ́телное, а҃ в҃ | [JPG] |
| 24 | є҆ѵⷢ҇а́лїе и҆дѣѧ́нїѧ до́браѧ, горды́нѧ расточа́етъ и҆раз̾тлѣва́етъ и҆ погꙋблѧ́еⷮ. нето́кмобо назлѡ́бы порѣва́еⷮ, но̀ и҆самиⷨ тѣ́мъ добродѣ́телеⷨ приплета́ѧсѧ, мно́гїѧ вре́ды хода́таиствꙋетъ наⷨ. болѣ́знибо и҆трꙋды̀ терпѣ́ти понꙋжа́етъ чл҃ки, мзд҄ꙋже нимало и҆мѣ́ти твори́тъ си́хъ. а҆́ще ѹ҆́бо пости́тсѧ гордѣли́выи, и҆лѝ мл҃твꙋ а҆́ще твори́тъ, и҆лѝ млⷭ҇тыню, и҆лѝ а҆́ще цѣломрⷣъствꙋетъ, и҆ на́страсти подвиза́етсѧ, и҆лѝ а҆́ще всѧ́кїѧ добродѣ́тели твори́тъ, всꙋ́е трꙋжа́етсѧ, и҆ посмѣѧ́нъ быва́етъ. Поне́же ме́рзокъ є҆́сть бг҃ꙋ. нечи́стъбо речѐ е҆́сть прⷣегм҃ъ, всѧ́къ высокосерде́чныи. Тщесла́вїеⷨбо дѡ́мы мно́зи, и҆нарѡ́ди, и҆гра́ды вели́цыи раз̾рꙋши́шасѧ. и҆всѧ̀ тщесла́вїемъ, го́рнѧѧ до́лꙋ творѧ́тсѧ. и҆всѧ̀ ве́щи цр҃ко́вныѧ и҆цр҃ьскїѧ, смꙋща́ютсѧ и҆разорѧ́ютсѧ. и҆о҆вѝ ѹ҆́бо и҆́же ѿ́мира сего̀ и҆зыдѡ́ша, і҆и҆́ноческое і҆а҆́гг҃льское житїѐ воз̾любльше , и҆ пꙋсты́ньскїи прибы́токъ лобыза́юще. и҆всѧ́ко | [JPG] |
| 25 | омытарѝ и҆ фарисе́и мирско́е житїѐ презрѣ́вше, бога́тьство и҆сла́вꙋ и҆пи́щꙋ и҆про́чаѧ в҄сѧ. к̾томꙋ̀же и҆тѣле́снаго томле́нїѧ лю́тое воз̾желѣ́нїе ѹ҆держа́вше. мнѡ́зиже ѿси́хъ стра́стїю тщесла́вною ѹ҆держа́ни бы́вше, вс҄ѧ погꙋби́ша и҆лиши́шасѧ. и҆кꙋ́пно съпорабѡще́ными страсте́мъ и҆ молва́мъ жите́йскиⷨ поⷣклоне́нымъ, ѿбжⷭ҇твеныѧ сла́вы сни́ми ѿпадѡ́ша. Ꙗ҆́кожебо сл҃нце всѣ́мъ и҆зъо҆би́льно сїѧ́етъ, та́ко и҆тщесла́вїе всѧ́комꙋ начина́нїю бл҃го́мꙋ приплета́етсѧ. о҆не́мже рекꙋ̀. постѧ́щꙋмисѧ, тщесла́влюсѧ. и҆раз̾рѣша́ѧ ꙗ҆́сти, да непокажꙋ́сѧ ꙗ҆́ко мꙋ́дръ, па́ки тщесла́влюсѧ. и҆ свѣ́тлыми ѿде́ждами о҆дѣ́ѧнꙋ м҄и, побѣжда́юсѧ тщесла́вїемъ си́мъ, и҆дрѧ́хлаѧ и҆з̾мѣнѧ́ющꙋ м҄и, па́ки тщесла́влюсѧ. глаго́лющꙋ м҄и, тщесла́влюсѧ. и҆ молча́щꙋ, па́ки тщесла́влюсѧ. ꙗ҆́коже а҆́ще поме́щеши троеро́жнꙋ сїю̀ стра́сть, пра́во стрѣца́ло є҆ѧ̀ ѡ҆брѣта́етсѧ. є҆ли́ко ѹ҆́бо зло̀ е҆́стъ тщесла́вїе а҃ г҃ | [JPG] |
| 26 | є҆ѵⷢ҇а́лі́е и҆ превоз̾ноше́нїе, толи́ко добро̀ е҆́сть раска́ѧнїе и҆смире́нїе. і҆ꙗ҆́же горды́нѧ и҆тщесла́вїе расточа́етъ, сїѧ̀ ѹ҆до́бь смире́нїе собира́етъ. и҆горды́нѧ ѹ҆́бо въ про́пасть низ̾во́дитъ чл҃ка. смире́нїеже ѿпаде́жа воз̾во́дитъ е҆го̀. Гь҃ ѹ҆́бо гѡ́рдымъ сꙋпроти́витсѧ речѐ, смире́нымъже дае́тъ блгⷣть. ꙗ҆́коже ѹ҆́бо сѐ и҆́стїнно є҆́сть, са́маѧ слѡвеса̀ є҆ѵⷢ҇а́льскаѧ сказꙋ́ютъ ѡ҆си́хъ, та́ко глаго́люще. є҆ѵⷢ҇а́лїе. Чл҃ка два̀ в̾нидо́ста въ цр҃квь помоли́тисѧ. є҆ди́нъ фарисе́й, а҆дрꙋгі́и мыта́рь. толкова́нїе. При́тчꙋ і҆о҆́бразъ чл҃комъ ѡ҆правда́ющиⷨ себѐ, і҆ѹ҆ничижа́ющимъ сѡгрѣша́ющихъ, преⷣложѝ фарисе́ѧ г҃ь. мытарѧ̀же положѝ въ при́тчꙋ согрѣша́ющимъ чл҃кѡмъ, и҆сокрꙋше́нымъ срⷣцемъ мл҃твы і҆и҆сповѣ́данїѧ твѡрѧ́щимъ. да́же наѹ҆чи́тъ всѣ́хъ горды́ню о҆мража́ти, смире́нїеже люби́ти. и҆ ꙗ҆влѧ́етъ ꙗ҆́сно х҃с при́тчею се́ю, ꙗ҆́ко пра́вда ѹ҆́бо и҆добродѣ́тель ди́вна и҆сла́вна е҆́сть, и҆бли́зъ бг҃а чл҃ка поставлѧ́етъ. заⷱ҇ п҃ѳ | [JPG] |