Kirchenslavica: [Poučenija Avvy Dorofeja] Vo slavu svjatyja edinosuščnyja, životvorjaščyja, i nerazdělimyja troicy ... Izdadesja kniga sija Bogougodnych trudov Prepodobnago otca našego Efrema Syrina ... Ešče že i blažennago avvy dorofea dušespasitelnaja kniga

The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.

Page-Nr	Page-Content [4]
21	Кни́га прпⷣбнагѡ Ѻ҆ц҃а̀ на́шегѡ є҆фре́ма сѵ́рїна, содержа́щаѧ в̾ себѣ̀ словеса̀ в̾ наказа́нїѧ разли́чна, к̾ по́лзѣ и҆ спасе́нїю всѧ́кой дꙋшѝ хрⷭ҇тїа́нской. Прпⷣбнагѡ ѻ҆ц҃а̀ на́шегѡ є҆фре́ма, наказа́нїе ѡ҆ ѹ҆мнле́нїи и҆ спасе́нїй дꙋшѝ, и҆ ѿ ѿрече́нїи житїѧ̀. Азъ є҆фре́мъ грѣ́шный и҆ неразꙋ́мны́й, присносла́бый и҆ ѹ҆ны́лый на̀ подвиза́нїе дх҃о́вное, глаго́лю ва́мъ: [Подвиза́йтесѧ хрⷭ҇толю́бнаѧ бра́тїѧ.] и҆́мже побѣжде́нъ быва́хъ по̀ всѧ̀ часы̀, сла́бостїю своегѡ̀ по́мысла . хощꙋ̀ и҆ ва́мъ сказа́ти возлю́бленнїи, стра́хъ вели́къ и҆ тре́петъ дш҃ѝ моеѧ̀, є҆́же бы́сть мѝ̀ в̾ де́нь є҆ди́нъ нечести́вомꙋ, несмире́нномꙋ, и҆ неприлѣ́жномꙋ. а҃ Сѣдѧ́хъ а҃ Сло́во а҃ \| [JPG]
22	прпⷣбнагѡ Сѣдѧ́хъ є҆ди́нъ на̀ мѣ́стѣ безмо́лвнѣ и҆ ти́сѣ, и҆ высо́цѣ, и҆ помышлѧ́хъ въ себѣ̀ ѡ҆ житїѝ сꙋ́етныѧ печа́ли, молвꙋ̀, и҆ смꙋще́нїе и҆ сле́зы, и҆ поꙋча́хсѧ в̾ себѣ̀, ка́кѡ житїѐ сїѐ, ꙗ҆́кѡ сѣ́нь прехо́дитъ; и҆ ꙗ҆́кѡ ко́нь ско́ръ ми́мѡ тече́тъ: и҆ ꙗ҆́кѡ цвѣ́тъ въ те́рнїи ѹ҆вѧда́етъ. И҆ глаго́лахъ печа́лꙋѧ и҆ рыда́ѧ: ка́кѡ тече́тъ вѣ́къ се́й; нѐ вѣ́мы: поне́же є҆смы̀ привѧ́зани сла́бостїю вещьмѝ, и҆ по́мыслы неподо́бными. Сїѧ̀ всѧ̀ помышлѧ́ющꙋ ми въ себѣ̀, внеза́пꙋ воздви́гъ ѻ҆́чи на̀ нб҃о, и҆ бы́хъ а҆́бїе ꙗ҆́кѡ во̀ ѹ҆́жасѣ, и҆ ви́дѣхъ ѻ҆чи́ма се́рдца моегѡ̀ бг҃а со̀ сла́вою сѣдѧ́ща, и҆ глаго́люща къ дꙋшѝ мое́й та́кѡ: Почто̀ дꙋшѐ презрѣ́ла є҆сѝ сла́вꙋ мою̀; Почто̀ дꙋшѐ менѐ небе́снаго и҆спо́лнена свѣ́та и҆ живота̀, возненави́дѣла є҆сѝ жениха̀ безсме́ртнаго и҆ чи́стаго; Почто̀ дꙋшѐ воⷥненави́дѣла є҆сѝ бл҃га́ѧ. ꙗ҆̀же а҆́зъ ѹ҆гото́вахъ ти; Почто̀ дꙋшѐ была̀ є҆сѝ менѐ̀ чꙋжда̀, по́мыслы и҆ дѣлесы̀ неподо́бными; Почто̀ дꙋшѐ нѐ потщи́шисѧ ѡ҆брѣсти́сѧ ра́дꙋюшисѧ, въ прише́ствїе моѐ; Почто̀ дꙋшѐ нѐ и҆́маши свѣщѝ въ во́пль хотѧ́щїй бы́ти; Сѐ прїи́де жени́хъ и҆зыди́те въ срѣ́тенїе є҆мꙋ̀ съ ра́достїю. Почто̀ дꙋшѐ нѐ восхотѣ́ла є҆сѝ ѹ҆гото́вати ѡ҆дѣѧ́нїѧ досто́йна на̀ бра́ки; Почто̀ дꙋшѐ нѐ вни́деши в̾ черто́гъ \| [JPG]
23	є҆фре́ма въ черто́гъ нбⷭ҇ный ст҃ы́й; Почто̀ дꙋшѐ возненави́дѣла мѧ̀ є҆сѝ бл҃га́го, и҆зба́влшаго живо́тъ тво́й ѿ сме́рти; А҆́зъ дꙋшѐ сме́рти вкꙋси́хъ тебѐ ра́ди, да̀ невѣ́стꙋ тѧ̀ нарекꙋ̀ себѣ̀. а҆́зъ дꙋшѐ и҆ црⷭ҇тво небе́сное незави́димое да́хъ ти. А҆́зъ дꙋшѐ себѣ̀ невѣ́стꙋ содѣ́лахъ тѧ̀, ꙗ҆́кѡ цр҃ь. А҆́зъ дꙋшѐ тебѐ ра́ди человѣ́къ бы́хъ, хотѧ̀ и҆зба́вити тѧ̀ ѿ тлѝ. А҆́зъ дꙋшѐ па́че всѣ́хъ дѣ́лъ мои́хъ почто́хъ живо́тъ тво́й, и҆ вознесо́хъ тѧ. А҆́зъ черто́гъ небе́сный ѹ҆гото́вахъ ти, и҆ а҆́гг҃лы слꙋжи́ти пред̾ тобо́ю въ черто́зѣ. Сїѧ̀ а҆́зъ ѹ҆гото́вахъ, на̀ вше́ствїе твоѐ, съ ра́достїю. Ты́ же дꙋшѐ возненави́дѣла є҆сѝ жениха̀ соше́дшаго во̀ а҆́дъ тебѐ ра́ди. Возненави́дѣла є҆сѝ жениха̀ нбⷭ҇наго, и҆ блага́ѧ є҆гѡ̀ неизрече́ннаѧ. И҆ кто̀ ѹ҆́бѡ любѧ́й па́че менѐ, даю́щагѡ живо́тъ всѣ́мъ милосе́рдїемъ. И҆лѝ кто̀ є҆́сть ѹ҆́бѡ ми́лостивъ па́че менѐ̀, спаса́ющагѡ всю̀ тва́рь щедро́тами; Кото́рый ѻ҆ц҃ъ лю́битъ сн҃а па́че менѐ; Кото́рый ѻ҆ц҃ъ дае́тъ живо́тъ ꙗ҆́коже а҆́зъ; Ꙗ҆́кѡ ѡ҆ста́вила мѧ̀ є҆сѝ дꙋшѐ тща̀, и҆ возлюби́ла є҆сѝ чꙋжда́ѧ и҆ ме́рзскаѧ. И҆ ѹ҆боѧ́хсѧ бра́тїе боѧ́знїю вели́кою, поразꙋмѣ́въ ѻ҆чи́ма, гдⷭ҇ни гл҃ы стра́шныѧ, и҆ дꙋше́вною не́мощїю велмѝ \| [JPG]
24	прпⷣбнагѡ велмѝ ѹ҆боѧ́хсѧ и҆ ѹ҆жасо́хсѧ, и҆ и҆счезо́хъ ѿ стра́ха и҆ ѿ стꙋда̀ вели́кагѡ, помышлѧ́ѧ стꙋ́дъ поноше́нїѧ, глаго́лахъ: Прїиди́те го́ры покры́йте мѧ ѻ҆каѧ́ннаго, и҆ грѣ́шнаго и҆ нечести́ваго. И҆ воⷥнесо́хъ гла́съ мо́й и҆ пла́кахсѧ, и҆ прекло́нь главꙋ̀ до́лꙋ стыдѧ́хсѧ. И҆ пла́кавсѧ, са́мъ себѣ̀, рѣ́хъ та́кѡ, почто̀ а҆́зъ и҆з̾ чре́ва ма́тере моеѧ̀ роди́хсѧ, да̀ разгнѣ́ваю гдⷭ҇а, ст҃а́го бл҃га́го и҆ млⷭ҇рдаго. И҆зве́рженъ бы́хъ и҆з̾ чре́ва зача́тїемъ, и҆ внѣ̀ воспита́нїе тѣле́сное сотвори́хъ, и҆ ѿве́рженъ бы́хъ небе́сныѧ бл҃агода́ти . ѻ҆ба́че пла́часѧ припадо́хъ, и҆ моли́хсѧ с̾ рыда́нїемъ и҆ не́мощїю се́рдца. возопи́хъ с̾ пла́чемъ, глаго́лѧ та́кѡ: ѹ҆слы́ши влⷣко пла́чь мо́й, и҆ прїимѝ̀ глаго́лы моле́бныѧ, ꙗ҆̀же приношю̀ грѣ́шный стыдѧ́сѧ, долготерпѣли́ве млⷭ҇тиве и҆ ще́дре, нѐ сотворѝ по всѣ́мъ дѣлѡ́мъ мои́мъ, ни помѧнѝ прогнѣ́ванїѧ моегѡ̀, є҆́же нече́ствовавъ прогнѣ́вахъ рꙋ́кꙋ твою̀, но̀ а҆́бїе да́рꙋй мѝ вре́мѧ ма́ло, да̀ ѡ҆брѧ́щꙋ покаѧ́нїе влⷣко. стерпѣ́ла є҆́сть блгⷣть твоѧ̀ мно́жицею ю҆́ности мое́й, мно́гаѧ беⷥзако́нїѧ моѧ̀, и҆ на ста́рость да стерпи́тъ нн҃ѣ млⷭ҇рдїе твоѐ, ѿмета́нїе, прогнѣ́ванїе, без̾ѻ́чьствїе. А҆́зъ са́мъ вѣ́мъ, долготерпѣли́ве клѧ́твꙋ твою̀, є҆́юже клѧ́лсѧ є҆сѝ глаго́лѧ: жи́въ а҆́зъ, ꙗ҆́кѡ не хощꙋ̀ сме́рти грѣ́шникꙋ и҆ нечести́вомꙋ, но̀ па́че спасти́сѧ і҆ є҆зеⷦ҇ л҃г \| [JPG]

ID	1037047141
Title	[Poučenija Avvy Dorofeja] Vo slavu svjatyja edinosuščnyja, životvorjaščyja, i nerazdělimyja troicy ... Izdadesja kniga sija Bogougodnych trudov Prepodobnago otca našego Efrema Syrina ... Ešče že i blažennago avvy dorofea dušespasitelnaja kniga
Jahr	Moskva - [Pečatnyj Dvor] - 1701 - 5, 6, 518, 126 Bl
Note	Enthält: Kniga prepodobnago Otca našego efrema syrıina, soderžaščaja v sěbe slovesa v nakazanija različna, k polzě i spaseniju vsjakoj duši christianskoj; Žitie prepodobnago Otca našego efrema syrina; Poslanie o knizě sej k bratu prosivšu poslatisja k nemu, obrětennaja slovesa prepodobnago Otca našego avvy dorofea; Prepodobnago Otca našego avvy dorofea, poučenija različnyja k svoim emu učenikom; +/- Titel- und Veröffentlichungsangaben vom RGB-Digitalisat übernommen In kyrill. Schr., kirchenslaw. Autopsie nach Exemplar der SBB Paginierung: Bl. 1, 1-5, 1, 1-6, 1-518, 1, 1-126 Zernova, A. Svodnyj katalog russkoj knigi, Nr. 5
Subjects	Poučenija Dorofeja Theologie
Cat-URL	https://stabikat.de/DB=1/XMLPRS=N/PPN?PPN=1037047141
URL	http://resolver.staatsbibliothek-berlin.de/SBB00024B3600000000
PURL	Citation link

Church Slavonic Old Prints

[Poučenija Avvy Dorofeja] Vo slavu svjatyja edinosuščnyja, životvorjaščyja, i nerazdělimyja troicy ... Izdadesja kniga sija Bogougodnych trudov Prepodobnago otca našego Efrema Syrina ... Ešče že i blažennago avvy dorofea dušespasitelnaja kniga