[root][corphub]

Church Slavonic Old Prints

The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.

• Back
• Overview

Page-Nr. 7 [URL der Seite]

Page-Content

Все́ѧ Рѡ҃ссїи. ѡ҆ Прⷭ҇тыхъ Та́йнах꙽ Тѣла и҆ Кро́ве Хв҃ы и҆ꙁвѣствꙋ́ютъ и҆ ѹ҆вѣрѧ́ит꙽: Къ си́м꙽ и҆ ѡ҆ Приноше́нїи, Ми́лостынѧх꙽, и҆ Мл҃твах꙽ за̀ ꙋсо́пшыⷯ предаютъ и҆ ѹ҆пѣша́ютъ. є҆дино́ю ꙋ҆́бѡ ве́сма рекꙋ̀, всѧ̀ Бг҃осло́вїѧ ча́сти Правосла́вныа нш҃еа Вѣ́ры, и҆ до́гмата и҆спы́тнѡ и҆ ѻ҆па́снѡ и҆ꙁвѣща́ютъ: и҆ ꙗ҆́кѡ, всѣ̀ є҆ретекѝ побѣжде́ни и҆ злꙋще́ни, и҆ є҆реси всѧ́кїѧ дово́лнѣ ѻ҆бличе́ны и҆ и҆скорене́ны сꙋ҄ть. нето́чїю жѐ, но̀ и҆ пречꙋ́днаѧ и҆ Дщ҃еполе́ꙁнаѧ Нравоꙋче́нїѧ, Си́рѣчъ ка́кѡ бл҃гонра́вныѧ нра́вы ᲃтѧжа́ти, ка́кѡ по̀ Вѣ́ръ ᲃтрада́ти, ка́кѡ грѣхѡ́въ ѡ҆грѣба́тисѧ, ка́кѡ въ и҆́стиннѣ и҆ пра́вдѣ жителствовⷮа̏, и҆ жи́ꙁнь вѣ́чнꙋю ѹ҆лꙋчи́ти живонапи́сꙋитъ на́мъ, всѧ́ко жѐ ꙋ҆́бѡ бл҃гопохва́лныѧ сꙋ҄ть и҆ бл҃гопрїа́тныѧ всѣ́мъ приника́ющыⷨ в꙽ нѧ̀. Сѐ ѹ҆́бѡ ᲄоли́кїй Дш҃есп҃си́теⷧ҇ный Би́сеⷬ҇, Ківꙍ́тъ Прⷭ҇ты́а Бц҃а Монасты́ръ Пече́рскїй и҆ꙁно́ситъ, Сѐ Кни́гꙋ Ѹ҆че́нїа и҆ꙁвѣ́стнагѡ и҆ Ѹ҆чт҃лѧ достохва́лнагѡ Ст҃гѡ Іꙍа́нна Злотоꙋ́стагѡ дароно́сиⷮ, и҆́же въ Сло́вѣ и҆ дѣ́лѣ крѣ́покъ и҆ и҆́стиненъ. ѡ҆ не́мже ѿ дре́вле Цр҃кви Хв҃а пѣсносло́витъ си́це, Па́влова Ѹ҆ста̀, Хв҃а Ѹ҆ста̀, Хв҃а жѐ Ѹ҆ста̀, Па́влова Ѹ҆ста̀: Ѹ҆ста̀ Златоꙋ́стова, Хв҃а и҆ Па́влова Ѹ҆ста̀. Тѣ́мже съꙁыва́ю ва́съ Дрꙋ́гѡвъ и҆ Съсѣ́дѡвъ гл҃ѧ̀, Ра́дꙋйтесѧ съ мно́ю ѡ҆ толи́цѣмъ Би́серѣ ꙗ҆́коже ѻ҆́наа жена̀ ѡ҆ ѻ҆брѣте́нной дра́гмѣ. Прїймѣ́те ѹ҆́бѡ ю҆̀ раꙁве́рстыма рꙋка́ма и҆ Срⷣцы: кꙋ́пно бо̀ съ не́ю и҆ ᲃⷮ Златоꙋ́стаго, съ ни́мже Ха҃ и҆ Па́вла прїе́млете. Въꙁлюбѣ́те ю҆̀ па́че ти́сꙋщъ зла́та и҆ сре́бра: Сла́дка горта́ни да̀ бꙋ́дꙋтъ Словеса̀ Кни́ги сеа̀ па́че ме́да ѹ҆сто́м꙽ ва́шым꙽: ѿ заповѣ́дей бо̀ Гн҃ихъ раꙁꙋмѣ́вше, въꙁненави́дите всѧ́къ пꙋ҄ть непра́вды. Та́же мл҃ѧ́щесѧ Бꙋ҃ въ любвѝ и҆ ми́рѣ на́м꙽ Правовѣ́рныⷨ пребыва́ти, и҆ ѿ смꙋща́ющыⷯ и҆ напаствꙋ́ющыⷯ на́съ, и҆ꙁбави́тисѧ, и҆ дре́вней ᲃвободѣ̀ Блгчⷭ҇тїю нш҃емꙋ дарова́тисѧ, ѡ҆ не́мже и҆ подвиꙁа́ющесѧ, Съ Апⷭ҇ломъ гл҃ю̀, Бодрствꙋ́йте, ᲃто́йте в꙽ вѣ́рѣ, мꙋжа́йтесѧ и҆ ѹ҆твержⷣа́йтесѧ, ᲄве́рди быва́йте и҆ непостꙋ́пни и҆ꙁбыто чествꙋ́юще въ дѣ́лѣ Гн҃и всегда̀, покро́вомъ и҆ застꙋ¬ пле́нїемъ Прⷭ҇ты́а Бц҃а Дв҃ы Мр҃їи Ѻ҆дигі́трїи, и҆ Прпⷣбныхъ Ѿц҃ъ нш҃ых꙽ Антꙍ́нїа и҆ Ѳеѻдо́сїа Пече́рскихъ и҆ про́чих꙽ Ст҃ыⷯ Мл҃твами. Про́чее бл҃года́рни быва́йте: здравствꙋ́йте жѐ ѡ҆ Гѣ҃, и҆ ра́дꙋйтесѧ въꙁира́юще всегда̀ въ го́рнїй Ст҃ы́й Іерⷭ҇ли́мъ. Въ Ст҃о́й Ѻ҆́бщой Пече́рской Ла́врѣ, Мцⷭ҇а Геиварѧ̀, к҃ꙁ днѧ̀, Лѣ́та, ҂ах҃кг. * г҃ ПРЕДО¬ Лꙋⷦ҇: е҃і . о҃е. Ѱа́лⷨ: ри҃і.