slavistik-portal
Портал славістики
Die Datenbank der kirchenslawischen Drucke der SBB-PK bietet eine Übersicht über die Drucke und die ca. 1500 mit Transkribus erschlossenen und geprüften Seiten in "Ground Truth"-Qualität. Die Volltextsuche im Textkorpus der GT-Daten kann über dieses Widget durchgeführt werden.
| ID | 1046434012 |
| Autor | Javorsʹkyj, Semen I. |
| Titel | [Kamenʹ věry] Kamenʹ věry, pravoslavnym cerkve Svjatyja synom, Na utverždenie i duchovnoe sozidanie ... |
| Jahr | Moskva - [Sinodalʹnaja Tip.] - 1749 - [6] Bl., 38, 1099 S. 2° |
| Anmerkung | Edition 3. izd.; +/- Autopsie nach Exemplar der SBB Zernova, A. Svodnyj katalog russkoj knigi, Nr. 427 In kyrill. Schr., kirchenslaw. |
| Schlagwörter | Kamenʹ věry Orthodoxe Kirche Theologie Kirchengeschichte |
| Kat-URL | https://stabikat.de/DB=1/XMLPRS=N/PPN?PPN=1046434012 |
| URL | http://resolver.staatsbibliothek-berlin.de/SBB000261DA00000000 |
| PURL | Citation link |
| Page-Nr | Page-Content [2] |
| 9 | Сказа́нїе ѡ҆ творцѣ̀ кни́ги сеѧ̀. Писа́тель кни́ги сеѧ̀ , и҆мѧнꙋ́емыѧ Ка́мень вѣ́ры, Преѡсщеⷩ҇ный Стефа́нъ ꙗ҆во́рскїй, Митрополі́тъ Рѧза́нскїй и҆ Мꙋ́ромскїй. Се́й роди́сѧ в̾ по́лши ѿ бл҃горо́дныхъ шлѧхе́тскїѧ поро́ды, роди́телей бл҃гочести́выхъ, рꙋ́сскагѡ наро́да, ѡ҆брѣта́ющагѡсѧ поⷣ вла́стїю Короле́вства по́лскагѡ, и҆ вда́нъ бы́сть в̾ наꙋче́нїе, кни́жное ѿ ю҆́ности своеѧ̀ є҆щѐ въ По́лшѣ, въ не́мже и҆ преспѣва́ше до́брѣ, па́че свє́рстникъ свои́хъ. Пото́мъ роди́телє є҆гѡ̀ ви́дѧще навѣ́ты полѧ́кѡвъ на цр҃ковь правосла́внꙋю, понꙋжда́ющихъ ко ѹ҆́ні́и, и҆ хотѧ́ще пребы́ти во бл҃гоче́стїи непремѣ́ннѡ, ѹ҆мы́слиша ѡ҆ста́вити своѐ ѻ҆ч҃ество в̾ по́лшѣ, и҆ пресели́тисѧ в̾ ма́лꙋю рѡссі́ю с̾ ча́ды свои́ми, в̾ ни́хже бѣ̀ и҆ Стефа́нъ преизрѧ́днѣйшїй, нарица́емый въ то̀ вре́мѧ Сѷмеѡ́нъ, ѿ ст҃а́гѡ кр҃ще́нїѧ, є҆́же и҆ сотвори́ша: и҆ довѡ́лна лѣ́та пожи́вше, во бл҃гоче́стїи преста́вишасѧ. А҆ Сѷмеѡ́нъ ю҆́нъ сы́й, горѧ̀ жела́нїемъ ѹ҆че́нїѧ, вдадѐ себѐ в̾ наставле́нїе, и҆ сохране́нїе пречⷭ҇тно́мꙋ і҆еромона́хꙋ пече́рскомꙋ, Варлаа́мꙋ ꙗ҆си́нскомꙋ, сꙋ́щꙋ в̾ то̀ вре́мѧ сло́ва бж҃їѧ проповѣ́дникꙋ, ѻ҆би́тели пече́рскїѧ, и҆́же бѣ̀ по то́мъ А҆рхїмаидрі́тъ тоѧ́же ѻ҆би́тели, та́же и҆ Митрополі́тъ Кі́евскїй. То́й достохва́льный мꙋ́жъ ѹ҆ви́дѣвъ ѻ҆стротꙋ̀ ѹ҆ма̀ Сѷмеѡ́нова, и҆ до́брꙋю наде́ждꙋ ѡ҆ не́мъ воспрїѧ́въ, потща́сѧ привестѝ є҆го̀ в̾ соверше́нное ѹ҆че́нїе. Промы́сливъ ѹ҆́бѡ є҆мꙋ̀ на то̀ потрє́бнаѧ, посла̀ є҆го̀ въ по́лшꙋ въ нарѡ́читаѧ ѹ҆чи҄лища, въ кото́рыхъ ѻ҆́нъ дово́лное вре́мѧ со всѧ́киⷨ прилѣжа́нїемъ пребы́въ: и҆ преше́дъ всѧ̀ ѹ҆чє́нїѧ, грамматі́чєскаѧ, стїхотвѡ́рскаѧ, ри́тѡрскаѧ, фїлосѡ́фскаѧ, и҆ бг҃ослѡ́вскаѧ, возврати́сѧ въ Кі́евъ къ посла́вшемꙋ є҆го̀ преѡсщ҃е́нномꙋ Варлаа́мꙋ, соверше́нъ мꙋ́жъ во ѹ҆че́нїи и҆ довродѣ́телехъ: Варлаа́мъ же ѹ҆ви́дѣвъ є҆го̀, и҆ в̾ не́мъ бл҃агода́ть бж҃їю и҆зѡби́льнꙋю, вели́кїѧ ра́дости и҆спо́лиисѧ, и҆ бл҃годари́въ Бг҃а дарова́вшаго є҆мꙋ̀ не є҆ди́нъ, но | [JPG] |
| 10 | но мно́гїѧ тала́нты: Дрꙋго́е ѡ҆ Сѷмеѡ́нѣ воспрїѧ̀ попече́нїе, неꙋсы́пнѡ промышлѧ́ше, да бы̀ Сѷмеѡ́нъ мла́дъ, не ѹ҆ловле́нъ бы́лъ ѿ мі́ра, [ и҆́же ра́зныѧ сѣ́ти на него̀ простира́ше, преⷣлага́ѧ ѻ҆́во че́стное сꙋпрꙋ́жество, ѻ҆́во наде́ждꙋ бога́тствъ, и҆ че́стей мїрски́хъ, ꙗ҆̀же є҆го̀ ꙗ҆́кѡ ко всемꙋ̀ ѹ҆го́дна са́мы и҆ска́хꙋ ] и҆ та́кѡ бы тала́нтъ ѹ҆че́нїѧ є҆гѡ̀ не бы́лъ зако́панъ въ землѝ попече́нїй жите́йскихъ, но сотвори́лъ бы приѡбрѣ́тенїе ст҃ѣ́й цр҃кви, є҆ѧ́же ра́ди мно́гѡ потрꙋди́сѧ во ѹ҆че́нїи, и҆ сниска̀ то̀. Нача̀ ѹ҆́бѡ всѧ́кими ѻ҆́бразы прекланѧ́ти є҆го̀ к̾ воспрїѧ́тїю а҆́гг҃лскагѡ мона́шескагоѡ чи́на, и҆ помо́же є҆мꙋ̀ Бг҃ъ, и҆спо́лнисѧ є҆гѡ̀ жела́нїе: Сѷмеѡ́нъ бо, а҆́ще и҆ ю҆́нъ бѣ̀, и҆ на всѧ́кое дѣ́ло мі́рꙋ ѹ҆го́денъ, вѣ́дѧше, ꙗ҆́кѡ ви҄димаѧ вре́мєнна, неви҄димаѧ же вѣ́чна сꙋ́ть, по́мнѧше и҆ съ каковы́мъ намѣ́ренїемъ вдадѐ себѐ ѹ҆че́нїю, си́рѣчь, на сла́вꙋ бж҃їю, и҆ на по́льзꙋ ст҃ы́ѧ цр҃кве, тре́бꙋющїѧ люде́й ѹ҆че́ныхъ, презрѣ̀ вре́мєннаѧ, возжела́ше вѣ́чныхъ. Положи́сѧ на во́лю бж҃їю, и҆ наста́вника своегѡ̀ преѡсщ҃е́ннагѡ Варлаа́ма, и҆́же и҆ пострижѐ є҆го̀ са́мъ въ мона́шескїй чи́нъ во ст҃ѣ́й вели́кой ла́ѵрѣ кїевопече́рской, пречⷭ҇тыѧ Бг҃ома́тере, чⷭ҇тна́гѡ и҆ сла́внагѡ є҆ѧ̀ Ѹ҆спе́нїѧ, и҆ прпⷣбныхъ ѻ҆ц҃ъ А҆нтѡ́нїа и҆ Ѳеодо́сїа пече́рскихъ, и҆ наречѐ и҆́мѧ є҆мꙋ̀ Стефа́нъ. Въ то́мъ чинꙋ̀ пребыва́ше во ѻ҆би́тели, во всѧ́комъ послꙋша́нїи монасты́рскомъ и҆ цр҃ко́вномъ по ѻ҆бы́чаю: Бѧ́ше бо и҆ въ пѣ́нїи и҆скꙋ́сенъ и҆ громогла́сенъ, и҆ рꙋкописа́нїю и҆зрѧ́дномꙋ ѡ҆бꙋче́нъ, кромѣ̀ дрꙋги́хъ послꙋша́нїй, въ цр҃кви поѧ́ше на кры́лосѣ, и҆ чита́ше, в̾ ке́ллїи же писа́ше и҆ сочинѧ́ше повелѣ҄ннаѧ ѿ нача́лникѡвъ, наипа́че же прилѣжа̀ чте́нїю кни́гъ дꙋшеполе́зныхъ: нача̀ вско́рѣ проповѣ́дати сло́во Бж҃їе къ наро́дѡмъ во ѻ҆би́телехъ, и҆ в̾ дрꙋги́хъ хра́мѣхъ с̾ вели́кою по́льзою, и҆ ѹ҆слажде́нїемъ слы́шащихъ: Бѧ́ше во сло́во є҆гѡ̀ тве́рдо, со́лїю премⷣрости растворе́нно, и҆ всѝ жела́хꙋ слы́шати є҆гѡ̀. Преше́дшꙋ в҃ коⷬ҇: д҃. | [JPG] |